الصيام …. مصلحتك أولا

أخيرا رمضان جه … يااااه الواحد كان واحشه الأكل و السفرة المليانة و الحلويات بعد الأكل و بعدين ننزل الخيمة الرمضانية كلنا مع بعض و نروح نتسحر في الحسين و نرجع نتفرج علي أحلي مسلسلات بتنزل في السنة كلها …

أهو ده بقا اللي لو واحد لسه داخل الإسلام جديد لانج يفتكره عن رمضان من الوكسة اللي إحنا بقينا فيها
لو واحد لسه داخل الإسلام حالا … و حظ أمه إنه دخل الإسلام قبل رمضان بشهر ولا حاجة ده لبالظيط اللي حيفتكره عن رمضان … حينزل الشارع أو يفتح التليفزيون أو يقرا الجرنان مش حيلاقي أي حاجة عن رمضان غير إعلانات المسلسلات اللي عدوا السبعين مسلسل و البرامج اللذوذة و الفوازير و إعلانات القنوات اللي مش بتفتح غير في رمضان أصلا … مش حيشوف غير إعلانات محلات أكل و حلويات … أصبح إنطباعه عن رمضان إنه شهر الأكل و الفن … و الفضل لينا أجمعين

لكن عمرك ما تفتح تلفزيون ولا جرنان ولا تبقي ماشي علي كوبري أكتوبر تشوف إعلان عن العبادات و الأخلاق في رمضان… عن المغزي الحقيقي وراء رمضان … مش حنلاقي أي حاجة من دول  … ايوه صج عشان الحاجات دي مبتجبش فلوس

لما كنت باسأل أهلي و أنا صغير إحنا بنصوم ليه كانوا بيقولولي علشان نحس بالفقراء … و دي غالبا الإجابه اللي كلكم أو معظمكم سمعها .. و دي تاني حاجة رسخت في أفكارنا إن رمضان فكرته إنك ماتكلش و خلاص

طب ما تيجوا نفكر في رمضان صح بقا … يعني إيه صيام؟ا
الصيام مصلحتك أولا …اه مصلحتك …مصلحتك هي أهم حاجة بالنسبة لك لأن محدش حيعوز مصلحتك أكتر منك
الصيام ده هو الفرصه الوحيده اللي في السنة اللي تقدر تبطل فيها حاجة إنت عاوز تبطلها … شتيمة سجاير… اخلاق سيئة ..عصبية .. صوت عالي .. أي حاجة … لأن أصلا فكرة الصيان هو تهذيب النفس

ربنا حرم الحلال في الصيام و مش الحلال بس لأ ده المطالب البدائية لأي كائن حي اللي هي الأكل و الشرب و الجنس.. مش علشان نحس بالفقرا بس.. ما إحنا ممكن ناكل قليل قوي و نحس بالفقرا..ممكن نشرب مياة و نحس بالفقراء

لكن إنت لما تمنع عن نفسك حاجات أساسية قوي زي دي ..إنت كده بتهذب و تربي نفسك ..و بالتالي بيبقي عندك القدرة إنم تبطل أي حاجة تانية سواء معنوية أو مادية لأنها مهما كانت مش حتكون من المطالب الأساسة لحياتك زي التلات الحاجات اللي بنمتنع عنهم في الصيام

بص للصيام إن الفترة السنوية اللي بتنضج فيها … إنه المعسكر السنوي اللي بتخش فيه تخرج واحد تاني

بص للصيام بطريقة مختلفة السنه دي … و غير نفسك

Posted on July 20, 2012, in Life...From my point of view, Relationships, Religion And Spirtuals, Spilled Thoughts....Deep ones. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: