جيل أباؤنا و أجدادنا…..إرحموا اللي جابونا فشختونا


لو حأبتدي الكلام عن 60 سنة بهدلة و مرمطة و فقر و ظلم مش عارف أقول إيه ولا إيه …مش بس 30 سنة لأ 60 سنة

60 سنة سكوت و خنوع و عيش في الذل و المهانة و رضا بالظلم و القهر

الجيل اللي كان عمال يهلل لعبد الناصر مع كل البلاوي اللي كان بيعملها
و الجيل اللي نزل لعبد الناصر قال له تسقط الديمقراطية…و كأنهم ناعمين في جنة العبودية
الجيل اللي بعط المصيبة السودا اللي إسمها نكسة 67 و بعد تنحي سبب النكسة نزل في الشوارع قال لعبد الناصر أحا أحا لا تتنحي

و كان مفروض يكون أقل رد فعل هو إعدامة أو علي الأقل محاسبتة علي هذه المذبحة…و كأنهم إرتضوا موت ولادهم

الجيل اللي ساكت 30 سنة علي حكم الطاغي العظيم مبارك و خايف و مرعوب يتكلم…محدش يقول الظروف…ظروفنا كانت وي ظروفكم من إعتقال و سجن و ضرب…الفرق الوحيد إن إحنا مش زيكم

الجيل اللي حتي بعد سكوته كل السنين دي لما جه جيل تاني يثور و يقول لأ قالوا له متنزلش أقعد في البيت …خايفين نموت …علي أساس إننا مكناش عايشين ميتين

حتي يوم ما ثرنا وقفوا ضدنا خوفا و جبنا …. الجيل اللي حتي بعد ما عملنا ثورة و شلنا الطاغية عملوا لنا طاغية جديد و هو المجلس العسكري
علي أساس إننا مفروض نعيش حياتنا نصلح أخطاؤهم و خنوعهم

و يوم ما ننزل نثور علي المجلس العسكري يقولوا لنا إنتم خونة…كأننا مش ولادهم …كأننا ولاد إسرائيل..و كأن دمنا ملوش تمن عندكم

الجيل اللي خلاص أصبحت عيشة العبودية له مزاج

و هو هو نفس الجيل اللي حينتخب عمرو موسي أو شفيق…الكتلة التصويتية لعمرو موسي و شفيق هي من الجيل ده كله…حيكافئوا شفيق و موسي علي قتلنا و تدميرنا إنهم يخلوهم رئيس الجمهورية….إيييييييه إحنا مش ولادكم ولا إيه
جيل البلاوي
و كأن مش كفاية 60 سنة فشخ و ماضي أليم….لأ عاوزين كمان يبنوا لنا مسقبل أكثر إيلاما و ظلاما

إرحمونا….أبوس إيدكم إرحمونا…كفايه حرام….سيبولنا مستقبلنا نبنيه…..تعبنا منكم و من أفكاركم و إختيارتكم المستقبل بتاعنا مش بتاعكم

بلاش تجيبولنا حد من التاس القديمة…عشنا معاهم 30 سنة و مشفناش منهم غير الخراب…جربوا حد جديد…أو متنزلوش الإنتخابات أصلا و سيبونا إحنا نختار مستقبلنا

إرحموا اللي جابوني فشختونا

Posted on May 14, 2012, in Uncategorized. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: