الردود علي بعض الإتهامات الخاطئة بخصوص العصيان المدني

الإتهام الأول: يقول البعض أن الإضراب و الإمتناع عن سداج الفواتير سيؤدي إلي عدم دفع الرواتب حيث أنه لا يوجد دخل للمؤسسة أو الشركة

الرد : أعتي و أطول العصيانات المدنية كان في بولندا عام 1989 ضد الحكم العسكري و إستمر فقط 11 يوم و هو العصيان الأطول في التاريخ ضد أكثر الأنظمة ديكتاتورية….و هذا يوضح أنه لا حكومة في العالم تستطيع تحمل العصيان المدني أكثر من أسبوع و أكثر بقليل …و لن يستمر بأي حال من الأحوال إلي شهر أو يؤدي إلي عدم دفع للرواتب…كما إن الثورة المصرية إستمرت 18 يوم كان أكثر نصف الك المده في حالة كساد تجاري كبير و مع ذلك لم يؤدي الأمر إلي الإمتناع عن دفع الرواتب
لذا فهذه الحجة هي غالبا حجة معشر أعداء الثورة الذين أصلا كانوا يرون أن الثورة خرابا…فأمتنع عن نقاش أي شخص منهم

الإتهام الثاني : لو إنت شغال في قطاع خاص مش حتلاقي مواصلات تروح بيها الشغل

الرد: حدث في مصر في الأونة الأخيرة بعد الثورة العديد من الإضرابات العمالية و الإعتصامات أشهرها إضراب عمال النقل العام عن الأتوبيسات الذي إمتد في جميع أنحاء الجمهورية و تبعه توقف تام في حركة أتوبيسات النقل العام التي تعد من أهم وسائل النقل في مصر…لذلك فهي لن تكون أول مرة تتوقف فيها المواصلات و لكنها هذه المرة للصالح العام
كما إنه لو مفيش مواصلات تروح بيها شغلك في القطاع الخاص فهذا لا ينطبق علي شخص واحد فقط بل علي جميع العاملين معاك في الشركة و لن يستطيع أبدا المدير خصم أو فصل جميع العاملين بالشركة بالإضافة أنه حيكون مش بإيدهم

الإتهام الثالث :لو إنت شغال باليومية مش حتعرف تروح شغلك

الرد: قلناها مئات المرات العصيان المدني هو الإمتناع عن العمل أو أي وسيلة إتصال مع الشركات الحكومية و ليست الخاصة أو الأعمال الخاصة و الحرفية…لذلك أصحاب اليوميات سيكونوا أقل فئة تأثرا بهذا العصيان….في الواقع سيكونون هم الفئة الوحيدة في هذا الوقت التي تجني مالا🙂

الإتهام الرابع : لو مريض مش حتلاقي مستشفي أو دكتور و لو عاوز دواء مش حتلاقي صيدلية

الرد: إنت بقي كمل كلامه و قول له لو في حريقة مش حتلاقي مطافي …..ثم رد عليه أنه للمرة المليون نقولها العصيان المدني لا يشمل الوظائف الحرجة الضرورية مثل الأطباء و المستشفيات و الصيدليات و الإسعاف و المطافي

الإتهام الخامس : لو مش معاك فلوس مش حتعرف تسحب فلوس من البنك علشات قافل

الرد: غالبا صاحب الحجة دي مش عايش أصلا في مصر ولا عارف حالنا عامل إزاي…قول له إن نسبة المصريين اللي معاهم فلوس في البنك و بيسحبوا منها أقل من 5% ….ده أصلا
أكثر من 60% من الكصريين عمرهم ما دخلوا بنك…إتهام ساذج للطبقة العليا المرفهة في مصر و التي لا تريد أن تشقي يومين لصالح البلد

الإتهام السادس :لو مدفعناش الفواتير حيقطعوا علينا الميان و الكهرباء و الغاز
:

الرد : ليس من حق السلطات والمؤسسات أن تقطع تلك الخدمات عن المواطنين بشكل جماعي سواء كأحياء أو مدن أو غير ذلك فهو غير قانوني تماكا مثل عدم قانونية قطع الإتصلات أيام الثورة ….و حتي لو فعلوها فلنجرب حياة الكثير من المصريين حيث أنه من المعلوم أن الكثير و الكثير من القري المصرية مش واصلها مياه نضيفة أو كهرباء علشان تتقطع أصلا

يا جماعة .. الناس اللي معتقدة إن العصيان المدني هيؤذي البلد … أيوه هيؤذيها طبعا …. بس انتوا باصين تحت رجليكم … الثورة أذت مصر في التمنتاشر يوم اللي اتعملت فيها… البورصة وقفت … والاسعار زادت … و كان فيه أعمل بلطجة و سرقة …. بس بعد كده زادت صادرات مصر %17 و زادت مكاسب قناة السويس %25 والبورصة بتكسب… بس كل مانبتدي نهدى ونبني نلاقي المجلس العسكري بيقتل في اخواتنا….. و بيدوس عليهم لو مش بالمدرعة يبقى بالجزمة …. و بيعريهم لو مش من الهدوم يبقى من الحقوق الإنسانية …. احنا هنؤذي مصر … بس عشان تبقى أحسن … زي ماعشان صحتك تبقى كويسة … بتتعب نفسك وبتنزل تجري وجسمك يوجعك …. أو لما بتحبي تخسي بتعملي ريجيم و بتحرمي نفسك من الكل اللي بتحبيه … ما ده أذى نفسي … يوم أو يومين أو تلاتة وهنوصل لالاحنا عايزينه …. و لو موافقش يمشي … هنستحمل الجوع والفقر بس مش هنسكت تاني ومش هنغمض عنينا عن الظلم عشان لقمة العيش … الجيل الأكبر مننا عمل كده … و قعد 30 سنة ذليل … إذا كنت ترضى تتذل عشان تاكل … يبقى ده عصرك السعيد

لو إحنا حنضر البورصة أسبوع لكن بعد كده حننفعها نفع رهيب….يبقي أحسن من الوضع اللي احنا فيه لأن طريقة إدارة المجلس العسكري للبلاد و عدم وجود أمن أو إستقرار و سقوط شهداء يوميا و أعمال البلطجة و السرقة تدمر البورصة المصرية عاي مدار سنة كاملة…يعني إحنا جنكون أحن علي البلد من المجلس العسكري

Posted on February 5, 2012, in Daily Diaries, Egypt...And Egyptians, History, News, Politics. Bookmark the permalink. 23 Comments.

  1. ربنا يبارك فيكم🙂 . إن شاء الله نصر ربنا قريب

    يسقط يسقط حكم العسكر

  2. U bring all i want to say in a text…really gr8 work

  3. جيل أهالينا المحترم مع الإعتذار ….
    نحيطكم علماُ بأنه : –
    أنتم جيل من خاف سلم .. و إحنا جيل اللي خايف يروح –
    أنتم جيل الإتحاد الاشتراكي والحزب الوطني .. إحنا جيل الثورة –
    أنتم جيل الوشايات والمخبرين .. إحنا جيل لما كان واحد يعمل مصيبة في الفصل والمدرس يسأل مين عمل كده كل الفصل كان بيقول أنا –
    … أنتم جيل اللي نعرفه أحسن من اللي منعرفوش .. و إحنا الجيل اللي خلع اللي نعرفه وحبس إبنه –
    أنتم جيل اللي ملوش كبير يشتريله كبير .. وإحنا جيل كبيرنا هو الله والحق والعدل –
    أنتم جيل الأهرام والأخبار و التليفزيون المصري .. وإحنا جيل الفيس بوك وتويتر والشارع –
    أنتم جيل الإستقرار .. وإحنا جيل الإصرار اللي هيطهر مصر –
    أنتم جيل أضرب المربوط يخاف السايب .. و إحنا جيل أضرب المربوط هينزل السايب يجيب حقه –
    أنتم جيل ماشي جنب الحيط .. وإحنا جيل هد الحيط بدراعه –
    أنتم جيل عايز يموت على سريره وسط أحفاده .. وإحنا جيل الطفل فيه بيتمنى الشهادة –
    وأخيراً أنتم الجيل اللي سكت على مبارك 30 سنة فساد وسرقة وقهر وتعذيب .. وإحنا الجيل اللي بيدفع التمن علشان رفضنا نعيش نفس عيشتكم –
    عفواً .. خليكم ف حالكم وخلونا نكمل حلمنا ونعيش حياتنا بطريقتنا

    • قال رسول الله صلى الله عليه وسلم ” ليس منا من لا يوقر كبيرنا ولا يرحم صغيرنا”

  4. يا ابني انت دكر من طهر رااااااااااااااجل بجد تسلم بجد

  5. ممكن أنشر الكلام دى فى المدونه بتاعتى مع ذكر المصدر؟

  6. ممكن أنشر الكلام دى فى المدونه بتاعتى مع ذكر المصدر ؟

  7. مممكن أنشر الكلام دى فى المدونه بتاعتى مع ذكر المصدر؟

  8. انا اعترض كل الاعتراض على الكلام دا
    بما ان المجلس العسكرى – زى ما احنا عارفين – ممكن يعمل اى حاجه علشان مصلحته الشخصيه

    والدليل .. احدااااااااااث بورسعيد .. والحمد لله ان الحقيقه بانت

    انا بقى ايه يضمنى ان المجلس العسكرى ما يخربهاش من مبدا – فيها لاخفيها .. او انا ومن بعدى الطوفان – يعنى هو عارف ومتاكد انه لو مشى .. هيتحاكم .. فبرضو لو دا حصل .. هيلعب باخر كارت ليه .. وهو انه هيخرب البلد ..

    ايش ضمنا انه ميعملش زى اللى حصل ايام الثوره من فراغ امنى .. بل بالعكس اللى وقف مع مصر ايام الثوره هو الجيش

    فبفرض لو هو مش موجود .. فالبلد هتبوظ
    وبرضه مش هنحاكمه

    المفروض نصبر لحد ما السلطه تتسلم لرئيس .. وبعد كدا نحاكمه

    فوقو يا مصريين .. وبلاش تنجرفو للكلام دا .. كل واحد يفكر ويعرف هو بيعمل ايه .. ولمصلحه مين دا ؟؟؟

    دا بغض النظر عن ان نص الكلام اللى فوق .. اللى هو الردود دى مش منطقيه

  9. كلام زى الفل و ان شاء اللله ربنا هينصرنا علشان هو مع الحق و احنا معانا الحق

  10. رغيف العيش هيبقي ب 2 جنية و ثورة جياع كل ده من يوم واحد اضراب ياهطل

  11. اللي يضرب يضرب انا مش مقتنع بالاسباب ديه

  12. كلام رائع ما شاء الله عليك انت فعلا لخصت و انجزت

  13. انتوا مجهزين الردود..ههههه….ماشاء الله عليكم …بس برده انا شايفة انه مالوش داعي لان السلطة ههتسلم للشعب زي ما الشعب عايز….. والمجلس العسكري مش قاعد في الحكم لاجل غير مسمى…….اتفقنا او اختلفنا كلنا مصريين .

  14. لا مش معاكو

  15. ربنا يهدينا ويدلنا علي طريق الخير
    علي فكرة أنا مش هشارك فى اللي ممكن يحصل يوم السبت نهائي وتحت أي مبرر والأسباب كتير بس نحكم العقل مش الحماس المفرط

  16. وعلي فكرة انا حاسس انك عصبي ومتنرفز وانت بتكتب كده ولاايه
    كلنا بنحب مصر وياريت نتفق لبني ولا نختلف لنهدم انت شايف انك صح وانا شايف ان انت صح
    طب ايه رأيك لما أقولك أنا رأيي مش غلط وانت رأيك مش غلط
    طيب الراحة فين والاستقرارفين وعودة الأمن والأمان فين والقبض علي البلطجية ومنع مظاهر العنف فين
    لو شايف انه ده كله هييجي مع ……………. روح اعمله
    لكن هنا هنختلف
    وانا أكيد بحبك لأنك مصري خايف علي بلدك

    • :))))) إنت رجل محترم جدا و بتفهم جدا….الإختلاف حلو الخلاف لأ…شكرا علي إختلافك معي بطريقة حسنة🙂

      رأيي صواب يحتمل الخطأ و رأيك خطأ يحتمل الصواب…شكرا لك🙂

  17. انا اعترض كل الاعتراض على الكلام دا
    بما ان المجلس العسكرى – زى ما احنا عارفين – ممكن يعمل اى حاجه علشان مصلحته الشخصيه

    والدليل .. احدااااااااااث بورسعيد .. والحمد لله ان الحقيقه بانت

    انا بقى ايه يضمنى ان المجلس العسكرى ما يخربهاش من مبدا – فيها لاخفيها .. او انا ومن بعدى الطوفان – يعنى هو عارف ومتاكد انه لو مشى .. هيتحاكم .. فبرضو لو دا حصل .. هيلعب باخر كارت ليه .. وهو انه هيخرب البلد ..

    ايش ضمنا انه ميعملش زى اللى حصل ايام الثوره من فراغ امنى .. بل بالعكس اللى وقف مع مصر ايام الثوره هو الجيش

    فبفرض لو هو مش موجود .. فالبلد هتبوظ
    وبرضه مش هنحاكمه

    المفروض نصبر لحد ما السلطه تتسلم لرئيس .. وبعد كدا نحاكمه

    فوقو يا مصريين .. وبلاش تنجرفو للكلام دا .. كل واحد يفكر ويعرف هو بيعمل ايه .. ولمصلحه مين دا ؟؟؟

    دا بغض النظر عن ان نص الكلام اللى فوق .. اللى هو الردود دى مش منطقيه

  1. Pingback: عصيان مدني #Feb11 #Edrab #BoycottTheArmy #GeneralStrike « Maryam's

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: