مين أنا؟

أفكار كتير حواليا..مش عارف إيه أصلها

عقول كتير قابلتها..مش عارف إيه وصفها

سطور كتير كتبتها..قلوب كتير إخترتها..الصورة واضحة؟؟ لأ مش واضحة…طب إيه أصلها
..
لوحة مرسومة قصادي

شايف فيها حياتي

فكري..عمري اللي فات..و ذكرياتي

لكن اللوحة المرسومة…شكلها ماكنش واضح

ملامح مش ثابتة…الحبر فيها فاضح

طب لابس إيه في الصورة قاعد فيها ولّا واقف

طب وضعي إيه في الصورة..شجاع أنا ولّا خايف

ألوان ظروف حياتي…كانت سبب تشكيلي

أيام عدت عليا…و فيها كان تغييري

من الخير للشر بلفّ أدور مش عارف أختار

هويتي ليا ممسوحة طب إيه القرار

أفكر…..أنا و نفسي لازم نتكلم

أدّيني فرصة تانية يمكن من زمان أتعلم

سنين عايش و تايه في الطريق…

قعدت كتير مع نفسي لوحدنا

مفيش أحلام زي ما أكون غريق

زهقت خلاص مش عارف مين أنا

أول قرار أخدتة في مراحل التغيير

العدل…الرحمة…محبة..مش حأغير

مش مهم كنت ميين…المهم تبقي إيه

مش مهم ضاع كتير ..المهم كسبت إيه

الأهم كسبت ذاتي

حددت إختياراتي

أول خيوط نجاحي

أرسم طريق حياتي

أختار لنفسي قدوة…و أثبت إختياري

القدوة تبقي سندي..و سبب في إنتصاري

أبتدي بنفسي أولي…و أسيب الغير لغيري

أزرع في بكرة فكرة…و الخير حيبقي خيري

و ييجي الدور عليك…تشوف ثمار حصادك

من حب ربك فيك نوّر طريق قصادك

علاماتي في الطريق..أسامي زي إسمي

تاريخ أمجاد عتيق…ينقذ غريق في جسمي

حأتعلم من اللي فاتوا…حأفكر ..حأبتدي

لقيت في نفسي نفسي..و لربي حأهتدي

Posted on November 11, 2011, in Life...From my point of view, Lyrics...Inside me. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: