ياللا نبني حياتنا طوبة طوبة مع بعض.

عندنا حاليا في مصر مشكلة كبيره…تأخر سن الزواج…كتير قوي إن الواحد يتجوز و هوا عنده 30 او 27 أو حتي 25 سنه….
كلامي غريب شوية؟ شايفين إن 25 دي بدري؟ لأ طبعا …إزاي الواحد يتجوز بعد ما يبلغ ب أكتر من 10 سنين؟؟ ماهو لو ده طبيعي كان ربنا أحكم الحكماء أخّر سن البلوغ….و هذا هو ما يولد كبت العواطف و الكبت الجنسي و حتي تأخر الشعور بالمسئولية

بس ياتري مين سبب المشكلة دي؟؟ في رأيي  عقلياتنا العقيمة..و المادية…احنا بنقول علي الجواز “مشروع” …و أهم حاجة في العريس مرتّبه كام…و عندة شقه فين..و بعدين نبقي نسأل “عايزاه يا بنتي ولا لأ” أو نسأل علي أخلاقه بعدها…
طول ما احنا بنفكر في الجواز علي إنه “مشروع” عايزينه ينجح أو مين معاه أكتر يشتري العروسه…حيفضل سن الزواج يتأخر…و حتفضل معدلات الطلاق ترتفع..و حتي اللي مش حيتطلقوا لن يعيشوا في السعادة المرجوة من الزواج ممكن بس يعيشوا مع بعض عشان “بينهم عيال”

.. يعني ايه جواز؟؟ جواز يعني أنا بحب واحدة جدااا لدرجة خلاص إني مش عايز أعيش يوم من غيرها…أنا شايفه كده..مش مجرد أنا عايز أتجوز و خلاص.
لما أنا أروح أتقدم لواحدة و أنا عندي 26 سنه كده و يقولي مهر كذة و شبكة كذة و شقة في الحتة الفلانية و كلام كتير كده مفروض أقول ايه؟؟
الناس شايفة الرجالة ايه؟؟ سوبر مان ولا نجيب ساويريس؟؟ ازاي بتطالبني ب مهر 100,000 جنيه؟؟ ده لو أنا طلبت منك المبلغ ده مش حتعرف تدبره ..أنت اللي بقالك سنين شغال ..ما بالك بيا أنا بقي اللي لسة في أول مشواري؟؟

إزاي بتقوللي لازم بنتي تعيش في مصر الجديدة أو مدينة نصر في نفس مستواها؟؟ أنا لو قلت لك تشتري شقة في مصر الجديدة حاليا مش حتقدر علي سعرها..انت أخدتها أيام ما كانت لسه صحراء و كنت علي قدك..إزاي عاوزني أبدأ من مكان ما أنت وقفت؟؟ مين يعقل هذا؟؟
و عشان كده طبيعي جداا في هذا الزمن أن يشتري الأب لأبنه كل حاجة ..شقة و شبكه و عغش و مهر..و مش بعيد كمان يصرف عليه بعد الجواز..و بالتالي ينعدم تماما الإحساس بقيمة زوجته و حياته..لأن أبوه هوا اللي عملها مش هو.و سيتعثر أمام أول مشكلة تواجهه لأنه عمره ما شاف مشاكل قبل كده,,,بالإختصار تجاربه الحياتيه ستبدأ متأخر جدا

عايزين تسمعوا رأيي إزاي الموضوع يمشي؟ ليه مانبنيهاش طوبه طوبه مع بعض؟؟ كلام أفلام؟
تخيل معايا أنت و واحد صاحبك كنتوا في الحرب مع بعض و شلتوا همّ بعض و شلتوا بعض…اللي يتعور التاني مايسيبوش..حاسين بمشلكل بعض..و بعدين الحرب خلصت و توالت الأيام حتي أصبح الأصدقاء دول أغنياء..هل ممكن تحصل بينهم أي مشاكل؟؟ لأ طبعا..ده الحب و العلاقة اللي بينهم أصبحت أقوي من الفولاذ..ببساطه لأنهم كانوا مع بعض علي الحلوة و المره
نيجي نطبق نفس الكلام علي أثنين لسة متجوزين و بيبنوا حياتهم من الصفر مع بعض دون مساعدة أحد..يستحماوا بعض و يستحملوا أيام مش لاقيين فلوس كفاية ليهم و أيام عصيبة..حتي تتوالي الأيام و يبقوا مرتاحين ماديا…ساعتها حيكونوا من أكثر الناس عشقا لبعض…حيقعدوا ساعات مع بعض يفتكرو ذطريات الكفاح اللي خلاهم يحبوا بعض أكتر و أكتر و لن تستطيع أي مشكلة أن تفرقهم ساعتها ..لأنهم كانوا مع بعض علي الحلوة و المرة

هو ده الجواز…لازم نشوف الجواز كده..لأنه عمره ما كان مشروع
اوعي تتجوز لمجرد الجواز…الجواز هو نتاج حب عميق …و ليس نتاج مال وفير
علشان اللي إتجوزك و متعبش أو مكافحش عشان يوصلك…عمرة ما هيحس بقيمتك…و عمرة ما حيتعب أو يكافح و هو بيسيبك مع أول مشكلة

Posted on October 29, 2011, in Relationships. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: