أنا لا أحترم القضاء المصري…و لن أردد شعارات فارغة

أي نعم…أنا لا أحترم القضاء المصري..و لا أجد أي سبب لإحترامه و لا أدري لماذا يردد الكثير من الناس هذه الجملة..!!
يمكن من العشم؟؟ ولا يمكن عشان يزنقوا القضاء المصري و يحرجوه يمكن يتكسف من إيمان الناس بيه و يبقي فعلا نزيه…

نعم يا سيدي أنا لا أحترم القضاء المصري…و كيف لي أن أحترمه و هو لا يبدي لي أي أسباب لذلك..مش القضاء المصري برضه اللي هو أي قاضي أبنه بيدخل كلية الحقوق و يطلع قاضي برضه سبحان الله؟؟ ماهي حاجة من اتين..يا إما جينات القضاء تجري في دماء العائلة..أو هي صدفة…لكن حاش لله أن نقول واسطه و فساد و توريث…أصلنا بنحترم القضاء المصري..

مش القضاء المصري ده اللي هو القضية بتقعد فيه بالخمس سنين علشان يطلع حكم ..أكون انا صرفت في الخمس سنين دول علي المحامين ما يضرني أكثر من سبب القضية اللي رفعتها؟؟

مش القضاء المصري ده اللي عمره ما حكم في قضية ضد الحكومة ؟؟ ولا أنا يمكن عايش في زيمبابوي و مش واخد بالي….

مش القضاء المصري ده اللي حكم علي قتلة خالد سعيد بسبع سنين سجن في حين أنه حكم أفراد الإخوان بما لا يقل عن عشر سنين للي يتحكم عليه بتهمة قلب نظام الحكم؟؟
ياريت محدش يتهمني بالتخوين..أنا لا أحترم القضاء المصري و ليست مصر…لا أحترمه لأسباب كثيره أقل ما يقال عنها إنها تخليني أخونه…

لن ينصلح أبدا حال قضاؤنا طول ما القاضي بيطاع قاضي عشان أبوه كان قاضي….و لن ينصلح أبدا طول ما في حاجة إسمها وزير العدل…و حتي تتغير الأمور……فأنا لا أحترم القضاء المصري 

Posted on October 29, 2011, in Politics. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: